GRAAD 8–12 · OKTOBER / NOVEMBER
Jou rooster. Jou plan.
Jou beste poging.
Een plek om jou eksamens te sien, jou voorbereiding te beplan en vandag se werk aan te pak.
JOU EKSAMEN-OORSIG
Kies jou graad. Kry jou rooster.
Lees die eksamenreëls voor jy skryf ↓
4 November: STEMDAG — soos op die skoolrooster aangedui.
Die kalender bevat al jou gekose vakke as voldag-inskrywings, met sessies in die beskrywing. Dit stel nie eksamen-aanvangstye nie.
EEN STAP OP ’N SLAG
Maak tyd vir jou voorbereiding.
My studie-taaklys
Graad 8Maak groot werk kleiner: skryf ’n hoofstuk, ’n stel vrae of ’n spesifieke onderwerp neer.
Jou eerste klein stap begin hier. Voeg ’n taak by.
FOKUS VIR ’N RUKKIE
Net hierdie een taak.
Sit jou foon eenkant, kies ’n taak en begin.
Gereed wanneer jy is.
Hou die blad oop terwyl die tydhouer loop.
WEES GEREED VIR EKSAMENDAG
Ons eksamenreëls.
Lees die reëls hieronder en volg jou graad se huidige rooster vir eksamendatums en aanvangstye.
Algemene reëls
- Indien ouers dit verkies, kan leerders direk ná afloop van die eksamen gehaal word.
- Elke leerder moet sy of haar eie penne, potlode, uitveërs, sakrekenaars en ander skryfbehoeftes saambring. Geen skryfbehoeftes sal tussen leerders geleen word nie.
- Alle aantekeninge moet tydens die skryf van vraestelle in tasse gebêre word.
- Geen eksamenpapier mag deur leerders in die lokaal ingebring word tydens die skryf van vraestelle nie.
- Maak voorsiening vir die tyd wat die opneem van vraestelle neem wanneer julle met julle ouers reël vir afhaaltye.
- Leerders mag nie in die eksamenlokaal eet of drink nie.
Kleredrag
- Leerders kan in gewone klere eksamen skryf indien R50 betaal word.
- Streng reëls geld ten opsigte van kleredrag.
- Reëls vir die dra van juwele, hare, grimering en die skeer van baard geld soos tydens die kwartaal.
- Geen pantoffels nie.
Leerders wat verkies om in skooldrag te skryf, is welkom om dit te doen.
Afwesigheid tydens eksamen
Indien jy gedurende die eksamen afwesig is, moet jy:
- Die kantoor in kennis stel op die dag waarop jy moes skryf: ns@hsovervaal.co.za.
- Op die eerste dag wat jy terug is by die skool, ’n doktersbrief by mev. H. du Toit indien om in aanmerking te kom vir ’n siekte-eksamen.
- Mev. Du Toit sal vir ’n aanvullende vraestel reël. Dit word slegs toegelaat indien ’n doktersertifikaat ingehandig is.
Nie toegelaat nie & selfone
- Tasse
- “Walkmans”
- Selfone
- Tydskrifte
- “Smart”-horlosies
- Speletjies
- Enige pette
- Musse
Die tyd word gebruik om voor te berei vir die vraestel.
Selfone kan by die administratiewe kantoor ingehandig word, óf moet afgeskakel en op eie risiko in die leerder se tas gebêre word.
Sportoefening sal deur die afrigters met hulle spanne gereël word.
LEER MET ’N PLAN
Klein gewoontes. Beter voorbereiding.
01Toets wat jy onthou.
Lees ’n kort gedeelte, maak jou boek toe en verduidelik dit in jou eie woorde. Kyk daarna wat jy uitgelaat het en probeer weer.
02Oefen soos jy gaan skryf.
Werk deur toepaslike oefenvrae of vorige vraestelle wat jou onderwyser aanbeveel. Merk jou werk en hersien juis die vrae waarmee jy gesukkel het.
03Begin met iets haalbaar.
Kies een duidelike taak vir elke studiesessie. Neem ’n kort pouse tussen sessies en kom later terug na moeilike werk. Vra betyds hulp as iets nie duidelik is nie.
Jy hoef nie alles vandag klaar te kry nie.
Begin met die volgende regte stap. Sterkte met jou voorbereiding, Valies!